Prison Religion

US

Desde Richmond, Virginia, Prison Religion son unha continua práctica para encontrar os límites tanto dos estilos musicais polos que senten afinidade como da súa propia música, atrevéndose incluso a deconstruírse a si mesmos unha e outra vez. O último caso deste acto é Had Industrial B.O.P., lanzado este ano coa discográfica UIQ, onde levan a súa crueza a un punto de destrución aínda maior que nos seus anteriores traballos.

É improbable encontrar con asiduidade proxectos que xustifiquen máis o adxectivo de “experimental” na súa música que Prison Religion. Porque Poozy e False Prpht, sempre cun son entre o todo e a nada, incitan ao baile pero tamén á quietude total, buscando enrevesar ata o límite máis extremo todo estilo musical co que se atopan. Hip hop, industrial, noise, techno, metal, hardcore. Ninguén está a salvo do seu caos.

Outros artistas